Home
Nobedadeak
Zirriborroak eta gero

Zirriborroak eta gero

21,50 € 20,42 € Kluba

Saskira gehitu

Azala deskargatu

Zirriborroak eta gero Mundu posibleei buruzko istorio eta fabulazioak

Katixa Agirre Miguelez

VV.AA. 2023

Etorkizunean pentsatzeak ziurgabetasuna kudeatzen laguntzen digu, eta, ildo horretan, etorkizunaren dekalogo bat proposatzen digu liburu honek. Zirriborroak eta gero proiektuak hamar egileren hamar fabula eskaintzen dizkigu: Katixa Agirre, Uxue Alberdi, Lucía Baskaran, Harkaitz Cano, Gabriela Damián Miravete, Belén Gopegui, Karmele Jaio, Danele Sarriugarte, Iban Zaldua eta Patxi Zubizarreta. Arabako Azala kreazio-espazioaren gonbidapen batetik abiatuta eta irudimenaren botere bereziaren indarrez, kontakizun bana eraiki zuten hamar idazle horiek, zenbait alternatiba sozial, kultural, afektibo, feminista eta dekolonialetan oinarrituz, argitara ekarri nahian natura-, giza eta teknologia-baliabideekin daukagun harremana kudeatzeko beste modu batzuk. Fikzioa ez da gizartearen aurkako zerbait, baizik eta haren isla; horregatik, funtsezkoa da eskaintzen dizkigun narratibak analizatzea: mobilizatzera bultza¬tzen dute, ala paralizatu egiten gaituzte? Liburu bakar batean bildu ditugu disidenteak eta kontrahegemonikoak izan nahi duten hamar narrazio horiek, eraldaketaren narrazioak, gehienak euskaraz sortuak. Orriotara dakartzagun ipuinak irakurri eta gero, irudi, ernamuin, erreberberazio, uhin eta indar-eremuen artean ibiliko gara. Irudi bakoitzak konstelazio bat elikatuko balu bezala. Hitz bakoitzak kosmos oso bat argiztatuko balu bezala. Nolako funtsa, halako forma. Nolako egurra, halako ezpala. Nolako zirriborroa, halako etorkizuna.

21,50 €

20,42 € Kluba

Kopurua

Erosi

Xehetasunak

Argitaletxea Consonni

Generoa Narratiba

ISBN 978-84-19490-17-9

Hizkuntza Euskara

Argitalpen data 2023 abe 15

Orri kopurua 272

Pisua 360gr

Zure iritzia eman liburuaz

Iruzkinak 0 iruzkin

Egilea/k ezagutu

Katixa Agirre Miguelez

1981 Gasteiz (Araba, Euskal Herria)

Euskal idazlea da. Literaturaren, kazetaritzaren eta blogen arloetan dihardu. Ikus-entzunezko komunikazioan doktorea da, eta EHUn irakasle. Atzerriko hainbat unibertsitatetan ibili da ikerlari, baina egun Bilbon bizi da. 2007an argitaratu zuen bere lehen liburua, Sua falta zaigu, ipuinek edo istorio laburrek osatutakoa. Zutabegilea izan da Diario de Noticias de Alava, Deia, Aizu! eta Argia argitalpenetan kolaboratzen du. 2003an Ernestina de Champourcín poesia saria irabazi zuen, eta 2005ean Emakumeak Kontari ipuin-lehiaketa. 2007an Igartza Saria jaso zuen, hasiera hartan Etxetik irten gabe izenburua izatekoa zen ipuin-liburua idazteko; emaitza 2009ko otsailean argitaratu zuen, baina Habitat izenburuarekin. Horrez gain, umeentzako hainbat liburu ere idatzi ditu, Paularen seigarren atzamarra, Ez naiz sirena bat, eta zer? eta Patzikuren problemak. 2010ean, Amaia Lapitz saila hasi zuen, gazteentzako nobela sorta bat, Amaia Lapitz abenturazalearen istorioak kontatzen dituena. 2015ean bere lehenengo eleberria argitaratu zuen, Atertu Arte Itxaron (Elkar).

Katixa Agirre Miguelez idazlearen beste liburu batzuk

Vírgenes catódicas, putas recalcitrantes

Harkaitz Cano Jauregi

1975 Lasarte (Gipuzkoa, Euskal Herria)

Donostian burutu zituen zuzenbide ikasketak, baina idaztea izan du beti ogibide. Lubaki Bandan hasi zen literatur jardunean eta 1994an argitaratu zuen bere lehen idazlana, Kea behelainopean bezala poesia liburua. Gerokoak dira Beluna jazz (1996) eta Pasaia blues (1999) eleberriak, Belarraren ahoa (2004) ukronia eta Neguko zirkua (2005) eta Beti oporretan (2015) ipuin bildumak. Hiru bider irabazi du Euskadi Saria eta bi aldiz Espainiako Kritikarena. Twist (2011) nobelarekin, 111 Akademia aipamena ere erdietsi zuen. Besteak beste Sylvia Plath, Anne Sexton, Hanif Kureishi, Paul Auster eta Allen Ginsberg euskaratu ditu eta nederlanderaz, galegoz, grezie-raz, ingelesez, gaztelaniaz, errusieraz, alemanez eta italieraz irakur daitezke bere liburuak.

Harremanetan jarri

Harkaitz Cano Jauregi idazlearen beste liburu batzuk

El mundo está roto pero se puede caminar

Mundua pitzatuta dago baina hantxe gabiltza oinez

Uxue Alberdi Estibaritz

1984 Elgoibar (Gipuzkoa, Euskal Herria)

Kazetaritza ikasi zuen eta itzultzailea da. 2005 urtean Igartza literatur dirulaguntza jaso dut.

Harremanetan jarri

Uxue Alberdi Estibaritz idazlearen beste liburu batzuk

Karmele Jaio Eiguren

1970

Harremanetan jarri

Karmele Jaio Eiguren idazlearen beste liburu batzuk

Iban Zaldua Gonzalez idazlearen beste liburu batzuk

(Euskal) literaturaren alde (eta kontra)

Biodiskografiak. diskoak, kaseteak eta beste zenbait oroitzapen faltsu

Belen Gopegui

1963 Madrid (Madrid, Est. Español)

Espainiar eleberrigile eta gidoilaria. 1993an, La escala de los mapas bere lehen liburuarekin, Tigre Juan eta Santiago del Nuevo Extremo sariak irabazi zituen. Geroztik, ez dio argitaratzeari utzi eta Espainiako idazlerik handienen artean kokatu dute kritikak zein irakurleek. Bere obren artean nabarmentzekoak dira Tocarnos la cara, Lo real, El lado frío de la almohada, El padre de Blancanieves, Deseo de ser punk eta La conquista del aire. 2000. urtean, azken liburu hori zinemarako egokitu, eta Las razones de mis amigos filma egin zuten.

Belen Gopegui idazlearen beste liburu batzuk

Patxi Zubizarreta Dorronsoro

1964 Ordizia (Gipuzkoa, Euskal Herria)

Euskal Filologia ikasketak egin zituen eta harrezkero Gasteizen bizi da. Haur eta Gazte Literaturan ez ezik (Eztia eta ozpina, Pantaleon badoa) helduen literaturan ere arrakastaz idatzi ditu hainbat liburu (Jeans-ak hozkailuan, Mundua lo dagoen bitartean, Joan, 50, Laranja bat zaborretan…). Itzulpengintzan ere jarduna da, bereziki mundu arabiarreko lanak euskaratzen (Nagib Mahfuzen Mila eta bat gauen gauak edota Abdela Taiaren Salbazioko armada). Aspaldian, ikus-entzunezkoak eta literatura uztartzeko ahaleginean, zenbait ikuskizun edo performance bideratu ditu (Zikoinaren hegaldia, Hamar mezu eta dei bat).

Harremanetan jarri

Patxi Zubizarreta Dorronsoro idazlearen beste liburu batzuk

Danele Sarriugarte Mochales

1989 Elgoibar (Gipuzkoa, Euskal Herria)

Es licenciada en traducción e interpretación por la Universidad del País Vasco (con sendas estancias en Alemania y Estados Unidos) y ha realizado un máster sobre Teoría de la Literatura y Literatura Comparada en la Universidad Autónoma de Barcelona.

Harremanetan jarri